Hraðlestrarskólinn ábyrgist árangur og ánægju - alla ævi

Æviábyrgð

Þegar þú greiðir fyrir hraðlestrarnámskeið hjá Hraðlestrarskólanum öðlast þú ÆVIÁBYRGÐ inn á námskeiðið til frambúðar.  Við leggjum allt okkar í að þér gangi vel - ekki bara í dag - ekki bara á morgun - ekki bara á meðan að á námskeiði stendur - heldur alla ævi.  Þú átt að geta bætt kunnáttu og skerpt á færni þinni eins oft og þú telur þörf á yfir ævina.  Við höfum engan áhuga á að selja þér sama námskeiðið aftur þó þú hafir ekki náð að festa allt efnið í sessi þegar þú situr námskeiðið í fyrsta sinn.  Hraðlestrarskólinn kallar æviábyrgðina hjá sér "virka símenntun" - og þú átt hana skilið.

Innifalið í æviábyrgð er aðgangur að kennara í gegnum tölvupóst og síma ef þú ert að taka upp æfingar heima við á eigin spýtur og nýtir kennslugögn af námskeiði en hefur gleymt einhverju og þarft á hjálp okkar að halda.  Engu skiptir hvort þú þarft hjálp okkar að halda eftir 2 mánuði eða 2 ár.  Þú hefur einnig ævilangan aðgang að nemendavef Hraðlestrarskólans og þeim æfingum sem þú þarft að nota til að halda hraðlestrarkunnáttu þinni við til frambúðar.

Árangursábyrgð

Okkur finnst þó ekki nóg að þú hafir æviábyrgð - því hvað hefur þú svo sem við æviábyrgð að gera ef þú nærð ekki árangri á námskeiðinu?  Ég þekki árangurinn af eigin raun - því ég hef setið námskeiðið.  Ég hef kennt þúsundum Íslendinga að margfalda lestrarhraðann og veit því að þetta ber árangur.  Þeir nemendur sem hafa setið námskeiðið - þekkja árangurinn.  Ef þú hefur ekki setið námskeiðið - þá þekkir þú það ekki.  Ekkert vandamál.  Því bjóðum við upp á ÁRANGURSÁBYRGÐ - og gildir hún einfaldlega þannig að ef þú nærð ekki að tvöfalda lestrarhraða þinn á námskeiðinu - þá færðu einfaldlega endurgreitt.  Þurfum ekki að flækja málið að óþörfu - og því gildir árangursábyrgðin núna af öllum námskeiðum Hraðlestrarskólans.  Ef þú sinnir námskeiðinu, mætir í tímana, vinnur heimavinnuna og skilar árangri til kennara vikulega en nærð ekki að tvöfalda lestrarhraða þinn - þá færðu námskeiðagjaldið að fullu endurgreitt.

Ánægjuábyrgð

Frá og með ágúst 2010 bætum við svo um betur og bjóðum upp á 36 mánaða ÁNÆGJUÁBYRGÐ.  Við leggjum það mikinn metnað í námskeiðið okkar að við erum ekki sátt ef þú nærð bara að auka lestrarhraðann í einhverjar vikur eftir námskeiðið.  Þú átt að finna fyrir viðvarandi árangri til frambúðar - þannig byggjum við upp námskeiðið - og þannig virkar hraðlestrartæknin.  Þegar þú sækir námskeiðið okkar viljum við að þú náir að halda nýjum auknum lestrarhraða til frambúðar, nýtir aðhaldsferli okkar síðan til að festa þennan hraða í sessi og auka hann enn frekar í framtíðinni.  Ef þú ert aftur á móti ekki ánægður eða ánægð með árangur þinn eftir 36 mánuði - þú sinntir námskeiðinu, þú mættir í tímana, þú vannst heimavinnuna, þú skilaðir árangrinum til kennara vikulega og þú hefur setið að lágmarki 2 upprifjunarnámskeið - en nærð samt ekki þeim  árangri sem þú varst að leita eftir - þá virkar ánægjuábyrgðin einfaldlega þannig að þú færð námskeiðið endurgreitt. Punktur.

Krakkaábyrgð

Frá og með september 2010 hefjum við námskeið fyrir aldurshópinn 9-12 ára - Hraðlestrarkrakkar - og auðvitað gildir KRAKKAÁBYRGÐ á því námskeiði.  Krakkaábyrgðin gildir einfaldlega þannig að þátttakendur á námskeiðinu  - Hraðlestrarkrakkar  - geta tekið námskeiðið eins oft og þau vilja eða telja þörf á fram til 13 ára aldurs.

Ekki hika við að hafa samband við mig ef þú hefur einhverjar spurningar um ábyrgðina okkar - skjóttu þeim til mín í tölvupósti - á netfangið Þetta tölvupóstfang er varið gegn ruslpóstsþjörkum, Þú verður að hafa JavaScript virkt til að sjá það. eða hringdu í 773-0100