~ Hraðlestrarkrakkar - næsta námskeið hefst 13. febrúar 2012 ~

LOKSINS - LOKSINS - Hraðlestrarnámskeið fyrir 10 til 12 ára krakka sem vilja fara að lesa miklu - miklu meira. Ef barnið þitt hefur gaman af því að lesa eða ef þú vilt gefa því forskot í framtíðarnámi - nýttu þá tækifærið - því núna ætlum við að leyfa yngri nemendum að byrja festa grunnatriðin í sessi - miklu fyrr.  Á námskeiðinu horfum við aðallega til þess að fá börnin til að lesa meira, hafa gaman af því, njóta bóka og byggja upp orðaforða og kunnáttu í eigin tungumáli. Á þessu námskeiði erum við ekki að kíkja á námstækni heldur eingöngu að auðvelda barninu að njóta meiri lesturs - á meiri hraða - enda þau fljót að átta sig á tækninni.

Umsagnir af almennu hraðlestrarnámskeiði:

“Mér fannst námskeiðið skemmtilegt og það hjálpaði mér mjög mikið.” - Orri Hjörvarsson, 12 ára nemi.

“Sonur minn 12 ára tók ótrúlegum framförum í lestrarhraða á síðustu 6 vikum.  Hann fann mikla hvatningu í stöðugri endurgjöf og fannst námskeiðið skemmtilegt.” - Sigríður Valdimarsdóttir, 41 ára kennari.

"LOKSINS" segja sum ykkar - allavega velflest ykkar sem hafið setið námskeiðið og eigið börn eða systkini á þessum aldri enda hef ég í fjölmörg ár þurft að segja NEI við ykkur. Lágmarksaldur hjá okkur hefur verið 13 ár - og þá yfirleitt horft til fermingaraldurs - en málið var aldrei það að hraðlestrartæknin sjálf væri svo flókin - hún er það ekki. Vandamálið var alltaf að þær æfingar sem ég renni með nemendum í gegnum voru oft erfiðar og flóknar - þegar heim var komið – og nemendur einir að vinna sína vinnu. Eldri einstaklingar eru duglegri að sækja hjálp - krakkarnir eru feimnari við það. Þannig urðu Hraðlestrarkrakkar til - hér komum við grunnatriðum hraðlestrartækninnar til skila - skerum burt glósutækni og námstækni - enda meira atriði að bæta lestrarhæfni og ýta undir lestraránægju.  Krakkarnir njóta tímans miklu betur - og æfingar mjög auðveldar (nota sínar eigin bækur).

“Mér fannst kennarinn góður og ég náði að bæta mig.  Þetta var mjög gaman.” - Valur, 12 ára nemi.

“Þetta var mjög skemmtilegt og fræðandi námskeið og lærði mikið af því.  Takk fyrir mig.” - Rakel Jóhanna Ragnarsdóttir, 12 ára grunnskólanemi.

• Velflestir nemendur okkar nefna að þeir hefðu viljað kynnast þessari aðferð miklu fyrr og hér er tækifæri fyrir þig að auðvelda barninu þínu að festa þetta í sessi snemma.
• Þau fá strax 100% krakkaábyrgð og tryggir þeim þannig tök á að sækja námskeiðið eins oft og þau vilja - án þess að greiða aukalega fyrir það.
• ...og síðast en ekki síst þá gildir námskeiðagjaldið sem afsláttur inn í almennt hraðlestrarnámskeið - þegar þau verða 13 ára - og geta þannig bætt enn frekar við lestrarhraðann en þá bætist glósutæknin og námstæknin við enda námskröfur barna jafnan orðinn mun meiri.

“Það var bæði gaman og lærdómsríkt að fara á þetta námskeið og ég jók lestrarhraðann talsvert mikið og nú kann ég fleiri aðferðir til að lesa og ég mæli með þessu :-)” - Elísa Elíasdóttir, 12 ára.

“Fyrst var ég ekkert spenntur en nú er ég ánægður að hafa farið á það.” - Adam Freysson, 13 ára nemi.

...NÆSTU NÁMSKEIÐ...

Hafnarfjörður - 3 vikna námskeið - hefst 13. febrúar, kl. 17.00

Kennsludagar: Þriðjudagar - 13. febrúar - 20. febrúar - 27. febrúar

Staðsetning: Hafnarfirði - Námsflokkar Hafnarfjarðar - Miðstöð símenntunar. Kennsla fer fram í Menntasetrinu við Lækinn ( Gamli Lækjarskóli ) v/ Skólabraut.

Tímasetning: 17:00-20:00

Fyrirkomulag: Hópurinn hittist þrisvar á námskeiði, einu sinni í viku. Farið er í ýmsar tækniæfingar sem ætlað er að þjálfa hraðlestrartæknina og kennari fer síðan í gegnum efni er tengist hraðlestri og annað efni sem tengist lestri almennt.

Verð

Almennt verð er 17.500 kr. - ítarlegri upplýsingar um verð, greiðsluleiðir og afslætti.

Innifalið í námskeiðagjaldi..

Ítarleg námsgögn sem hægt er að nota eftir námskeið til að viðhalda árangri og halda áfram æfingum, mikill aðgangur að kennara á meðan að námskeiði stendur (m.a. aðstoð í gegnum síma og netfang), aðgangur að gögnum og æfingum á netinu, aðgangur að kennara eftir að námskeiði lýkur og Krakkaábyrgð sem þýðir að nemandi getur endurtekið námskeið eins oft yfir og hann telur þörf á fram að 13 ára aldri, námskeiði fylgir 17.500 kr afsláttur inn á Hraðlestrarnámskeið sem nemandi getur nýtt sér eftir 13 ára aldur.

Námskeiðið haldið í samvinnu við Námsflokka Hafnafjarðar:

Námsflokkar Hafnarfjarðar - Miðstöð símenntunar. Kennsla fer fram í Menntasetrinu við Lækinn ( Gamli Lækjarskóli ) v/ Skólabraut.

Síminn þar er 5855860  Heimasíða þeirra á http://www.nhms.is/